Ngaahi fakakikihi mo e ngaahi kautaha ‘uhila pe kasa

Kapau ‘oku ‘i ai ha’o fakakikihi mo e kautaha ‘uhila pe kasa, ko e Komisoni Lāunga ‘a e ‘uhila mo e kasa ‘e lava ‘o tokoni kia koe.

‘Oku fakalele ‘e he Komisoni ha fokotu’utu’u ke solova ‘aki ‘a e ngaahi fakakikihi ‘i he vaha’a ‘o e kakai mo e ngaahi pisinisi pea mo e ngaahi kautaha ‘uhila mo e ngaahi kautaha kasa.

Ko e Fokotu’utu’u ko’eni ‘oku ta’e totongi ki ha taha pe ‘oku lāunga mai.

Ko e Fokotu’utu’u ‘a e Komisoni Lāunga ‘a e ‘Uhila mo e Kasa

Ko e fokotu’utu’u ko’eni ‘oku lave ai ‘a e ngaahi kautaha ‘uhila mo e kasa kuo nau hoko ko e memipa. Ko e ngaahi kautaha ‘uhila mo e kasa fakamovetevete, ngaahi kautaha ‘uhila ‘oku nau tokanga’i ‘a e uaea pea mo e ngaahi kautaha kasa tufotufa ‘e lava pe ke nau hoko ko e kau memipa ‘o e fokotu’utu’u ko’eni.

‘E lava pe keke fekumi pe ko e kautaha ‘uhila pe kasa ko e memipa ‘o e Fokotu’utu’u ko’eni. Telefoni ki he kautaha ‘o ‘eke, pe sio ki he ‘enau website (tu’asila komipiuta).

‘E lava pe ‘ehe Komisoni ‘o sio meimei ki ha fakakikihi pe ‘oku teeki solova mo e taha ‘o e ngaahi kautaha memipa. Ko e ngaahi me’a pau ‘eni ‘oku fa’a fai kiai ‘a e fakakikihi ‘oku kau ai ‘a e tohimo’ua, ko e tu’usi ‘o e ‘uhila pe kasa pea mo e fai fatongia ‘a e kau ngāue.

Fetu’utaki ki he Komisoni

Fetu’utaki ki he ‘ofisi ‘o e Komisoni ‘o fakaha kiate kinautolu ‘oku ke fiema’u keke faka’aonga’i ‘a e Fokotu’utu’u ko’eni. Kātaki ‘o fakaha mai pe ‘oku ke fie ngāue’aki ha fakatonulea.

‘Oku loto lelei ‘a e ‘ofisi ke talanoa ki ha lāunga pe. Kapau koho’o lāunga ‘oku ‘ikai ko e me’a ia ‘oku fekau’aki mo e Fokotu’utu’u, ‘e lava pe ke mau fakaha atu pe kohai ‘e toe lava ‘o tokoni atu.

‘Omai (‘i he meili, fax pe komipiuta) ‘a e kotoa ‘o e fakaikiiki ho’o lāunga ki he Komisoni.

Freepost 192682

Electricity and Gas Complaints Commission

PO Box 5875

Lambton Quay

Wellington 6145

Telefoni ta’e totongi 0800 22 33 40

Fax ta’e totongi 0800 22 33 47

E-mail info@egcomplaints.co.nz

Website www.egcomplaints.co.nz

‘Uluaki Talanoa mo e Kautaha

Kapau ‘oku ‘i ai ha’o lāunga fekau’aki mo ha kautaha ‘uhila pe kasa, ‘uluaki talanoa ki he kautaha koia. Telefoni pe tohi ki he kautaha ‘o fakaha ai ‘oku ke lāunga’i kinautolu. ‘Oku mahu’inga keke fakaha kiate kinautolu ‘oku ke “lāunga’i” kinautolu ko e’uhi ke mahino ki he kautaha ‘oku te u ke fai ho’o lāunga.

Kapau ko e kautaha ko e memipa ‘o e Fokotu’utu’u, ‘oku ‘oange ‘a e ‘aho ngāue ‘e 20 ke solova ai ‘a e lāunga. Kapau ‘oku pehe ‘ehe Kautaha ‘oku nounou ‘a e taimi, kuo pau ke nau fakaha ki he Komisoni ke fakaloloa atu.

Ko efē ‘a e taimi ‘oku fakapotopoto ke ke faka’aonga’i ai ‘a e Fokotu’utu’u ko’eni?

Kuo pau ke ke ngāue’aki ‘a e Fokotu’utu’u ni kapau :

‘oku ‘ikai ‘oatu ‘ehe kautaha ha fakamatala lelei keke fiemalie kiai lolotonga ‘a e ‘aho ngāue ‘e 20 ke fai ai ‘e nau feinga ( pe ko ha taimi fakaloloa kuo ‘oange ‘e he Komisoni
‘oku ‘ikai fai ‘e he kautaha he me’a kau ki ho’o lāunga.
‘oku ke fakaongoongo ki ha tali fakafiemālie pea ‘i he vaha’a taimi ko ia ‘e hoko ai ha palopalema pe fakatu’utāmaki kia koe.

‘E sio ‘a e Komisoni ki he me’a na’e fakaha atu ‘e he kautaha moe me’a na’a ke fakaha ki he kautaha pea te ne feinga ke solova ‘i he fakapotopoto taha ‘a e palopalema.

Kapau ‘e ‘ikai lava ke solova ‘a e palopalema ‘i he vaha’a ‘o e kautaha mo koe, ‘e lava leva ke fai e tu’utu’uni fakalao ‘a e Komisoni ki he kautaha.

Ko e Fokotu’utu’u ni ‘e ‘ikai lava ke nau sio ki he ngaahi totongi ’oku hilifaki mai ‘e he ngaahi kautaha, pe ngaahi lāunga ‘oku laka hake he $20,000.00. ‘E toki lava ‘a e Komisoni ‘o sio ki ha ngaahi lāunga kau ki ha pa’anga ‘o ‘oua laka hake he $50,000 kapau ‘e loto lelei kiai ‘a e kautaha.