Finauga ma kamupani eletise poo le kesi

A i ai sa lua finauga ma le kamupani eletise poo le kesi, o le a mafai ona fesoasoani le Komesina o ia Kamupani ia oe.

E fai ele Komisina ia polokalame e fo’ia ai ia finauga ile va o tagata ma pisinisi ma kamupani eletise ma kesi.

E fai fua nei Polokalame mo soo se tasi e faitio mai.

Polokalame ale Komisina mo Faitioga mai ile Eletise ma le Kesi

O lenei polokalame e kava ma aofia ai kamupani eletise ma kesi ua faaulu o ni sui (members). O faleoloa eletise ma kesi, o kamupani toso laina ma e faia kesi, e mafai ona avea ma sui (members) ole polokalame.

E mafai ona e iloa pe ua avea se kamupani eletise poo le kesi foi, o se sui o le polokalame. Vili le kamupani ma fesili i ai, poo lou siaki foi le uepesaite ale kamupani.

E mafai ele Komisina ona vaai i soo se finauga lava e le’i fo’ia i se kamupani o avea ma sui. O mataupu taatele e aofia ai aitalafu/pili, tipiina ma auaunaga mo e faaaogaina nei auaunaga.

Faafesootai le Komisina

Faafesootai mai le ofisa ole Komisina ia ta’u mai ai ia matou ete manao e faaaoga le polokalame. Faamolemole ta’u mai foi pe ete manao e faaaoga le auaunaga o faamatalaupu.

E talia fiafia ele ofisa le talanoaina o soo se faitioga. Afai e le ose mataupu e kavaina ele polokalame, e mafai ona matou ta’uina atu seisi atonu e mafai ona fesoasoani ia oe.

Aumai (ile meli, fax poo le email) ia auiliiliga uma o lau faitioga ile Komisina.

Freepost 192682

Electricity and Gas Complaints Commission

PO Box 5875

Lambton Quay

Wellington 6145

Freephone 0800 22 33 40

Freefax 0800 22 33 47

E-mail info@egcomplaints.co.nz

Website www.egcomplaints.co.nz

Talanoa muamua ile kamupani

Afai ua i ai sau faitioga ile kamupani eletise poo le kesi foi, talanoa muamua i lea kamupani. Telefoni pe tusi ile kamupani ma fai i ai o lea e fia fai lau faitioga. E taua lava lou faaaoga o le upu “faitioga” (complaint) ina ia malamalama lelei ai le kamupani o lea ua e faitio/faasea.

Afai ose kamupani ole sui ole Polokalame, e tuuina atu i ai le 20 aso faigaluega ia maua ai se tali. Afai e manatu le kamupani e le lava lea taimi, e tatau ona fesili ile Komisina ia tuu mai seisi taimi faaopopo atu.

O afea e tatau ai ona e faaaoga le Polokalame?

E tatau ona e faaaogaina le polokalame pe afai:

e le’i maua mai se tali mai le kamupani ete malie i ai ina ua uma le 20 aso faigaluega( ia poo i totonu o nisi aso sa faaopopo atu ele Komisina)
e leai lava ma se mea o le a faia ele kamupani i lau faitioga
ole faatalitali i se tali ole a faamanu’alia ai oe.

Ole a vaai le Komisina i lau faamatalaga ma le faamatalaga foi ale kamupani, ma taumafai loa e fesoasoani ia oe ia maua se tali talafeagai fetaui lelei.

Afai e le mafai e oe ma le kamupani ona maua se tali ole finauga, e mafai ele Komisina ona fai se filifiliga e faamauina (binding) i luga ole kamupani.

E le mafai ele Polokalame ona vaai i faitioga pe fia le mea na e totogi ile kamupani mo a latou auaunaga, ia poo faitioga ole aofaiga o tupe e sili atu ile $20,000 tala. E mafai ona vaai le Komisina i aofaiga tupe e o’o atu ile $50,000 tala, pe afai e malie i ai le kamupani.