|
O iai se mea ‘o ‘e fia fa‘asea ai ona ole eletise po‘o le kesi?
E ono mafai ona fesoasoani atu ia te ‘oe le ofisa ole Komesina o Fa‘asea i mataupu tau Eletise ma Kesi.
O le komesina e auala mai ai le ‘auaunaga mo le teuteuina o ni fa‘asea ile va o tagata fa‘aoga-oloa (consumers) ma kamupani o loo maua atu ai le latou eletise po‘o le kesi.
O lenei ‘auaunaga e leai se totogi mo tagata fa‘aoga-oloa uma.
O le Polokalame ole Komesina mo Fa‘asea ole Eletise ma le Kesi
Ole ofisa ole komesina, e fa‘atino ana galuega fai, i totonu ole Polokalame ole Komesina o Fa‘asea ole Eletise ma le Kesi. O lenei polokalame na fa‘avae ina ile 2002 mo le ofoina atu ai o se ‘auaunaga e tuma‘oti, maua-gofie e tagata uma, lelei ato‘ato‘a ma talafeagai mo tagata fa‘aoga-oloa uma o le eletise ma le kesi.
O le polokalame lenei, e aofia ai kamupani o loo faatauina atu le eletise, ma pulea laina o moli eletise atoa ai ma kamupani o loo fa‘atau ina atu le kesi ua avea ma sui a‘uai.
E mafai e le komesina ona ia su‘esu‘eina le tele o fa‘asea e fa‘asaga i se kamupani o avea ma sui a’uai. O mataupu masani e tagofia, e aofia ai le sui ina mai le tasi kamupani ile isi kamupani o se aitalafu, o le tulaga o pili, le tipi ina o le eletise ma le kesi, atoa ai ma mea e fa‘aleagaina ona o le so‘ona malosi mai fa‘afuase‘i ole eletise i nisi o taimi.
Afai o se fa‘asea e le o‘o iai le malosi o le komesina, ole a fautuaina i latou e ona ia mataupu e uiga i lea tulaga, ma ave iai suafa ma tuatusi o isi fa‘alapotopotoga e ono mafai ona maua ai se fesoasoani mo a latou fa‘asea.
A‘o le‘i faia sau fa‘asea ile ofisa o le komesina
Sa‘ili ma fa‘amautu muamua pe o le kamupani eletise poo le kamupani kesi lea, o se sui a‘uai ole polokalame. E mafai ona e fesili ile kamupani e uiga i lea tulaga, ma e avanoa foi ‘oe e te fesili ile kamupani i le latou faiga e fa‘agasolo ai ni fa‘asea.
Fa‘asea ile kamupani
Telefoni pe tusi ile kamupani ma fa‘ailoa iai e te mana‘o e fai sau fa‘asea. E taua tele le fa‘aoga ina o le upu “complaint” (fa‘asea), ina ia iloa ai e le kamupani o lea ua amata le faiga e fa‘agasolo ai se fa‘asea.
E 20 aso e tu‘u atu ile kamupani e te lua galulue fa‘atasi ai mo le sailiga o se fofo o lau mataupu. E mafai ona faaopoopo lea taimi ile 40 aso faigaluega pe afai e faamatala ina manino lea tulaga ia te oe e le kamupani e auala i se tusi, e faailoa mai ai mafua‘aga.
Fa‘asea ile komesina
Afai e le maua se fofo o lau fa‘asea i totonu ole taimi lea ole 20 agai ile 40 aso faigaluega, e avanoa loa ‘oe e fa‘atau lau fa‘asea ile komesina.
Afai e fai ane ia te oe se ofo po‘o se fa‘amalamalamaga a le kamupani, i totonu o le taimi, po‘o le fa‘aiuga foi o le taimi lea e 20 ile 40 aso faigaluega, ae e te le malie iai, e avanoa ‘oe e ave lau fa‘asea ile komesina.
Fa‘afeso‘ota‘i le ofisa ole komesina ma fautuaina matou i lou finagalo ina ia iloilo ina e le komesina lau fa‘asea. Fa‘amolemole fa‘afeso‘otai mai matou pe ‘afai e te mana‘omia le ‘au‘aunaga fa‘aliliu-‘upu/gagana.
Auina mai auiliiliga uma o lau fa‘asea mo le komesina i se tusi e meli mai, po‘o se fax ia po‘o le imeli foi.
O le a silasila le komesina i feso‘ota‘iga uma ile va o oe ma le kamupani ma taumafai e fesoasoani atu ia ‘oe ina ia maua se fofo talafeagai.
Afai o le a le maua se maliega ile va o oe ma le kamupani, e mafai e le komesina ona faia sana fa‘aiuga e noatia ai le kamupani.
Mo le fa‘afeso‘ota‘iga ole komesina
Meli e le totogia (Freepost) 192682
Komisi mo Fa‘asea ole Eletise ma Kesi
(Electricity and Gas Complaints Commission)
Pusameli (PO Box) 6144
Ueligitone (Wellington)
Telefoni e le totogia: 0800 22 33 40
Fax e le totogia: 0800 22 33 47
Imeli: info@egcomplaints.co.nz
Tuatusi i le Initanei: www.egcomplaints.co.nz
|
