|
He raruraru pea tāu ā-hiko, ā-korohū rānei?
Ka taea pea e te tari o te Komihana mō ngā Amuamu Hiko me te Korohū te āwhina i a koe.
Ko tā te Komihana he whakatau i te raruraru o waenga i te kiriutu (arā te kiritaki) me ā rātou kamupene hiko, korohū hoki.
Kāore he utu ki te kiritaki.
Te Kaupapa o te Komihana Amuamu Hiko me te Korohū
Kei raro te tari o te komihana i te Kaupapa o te Komihana Amuamu Hiko me te Korohū. Nō te tau 2002 ka tū ai te kaupapa nei, hei tohu i tētahi ratonga whakataunga mō ngā kiritaki hiko, korohū hoki, he mea tika, he motuhake, he wātea tonu, he tōtika, he takohanga hoki.
Mō ngā toa hoko, ngā kamupene raina hiko, me ngā kamupene tohatoha korohū kua tūhono mai hei mema te kaupapa nei.
Ka taea e te Komihana te tirotiro i ngā tūmomo amuamu o tētahi mema. Ko ētahi o ngā take, ko te whakawhiti kaute mai i tētahi kamupene ki tētahi atu, te tuku nama, te wetewete, me te tūkino taputapu mai i te pōrutu o te hiko.
Mēnā kei waho mai te amuamu i te mana o te komihana, ka whākina ki ngā kiriutu, ka tohutohutia atu ko ētahi atu rōpū ka taea pea te āwhina mai.
Mō mua o tō kawe i tētahi amuamu ki te tari o te komihana
Me mōhio mai mēnā he mema te kamupene hiko, korohū rānei o te kaupapa nei. Mā te pātai pea ki te kamupene mō ōna aratuka amuamu.
Tuku amuamu ki te kamupene
Waeatia atu, tuhia atu rānei te kamupene he amuamu tāu. Me nui te whai i te kupu 'amuamu', kia āta mārama ai te kamupene kua kōkiritia e koe te aratuka amuamu.
Ka wātea ki te kamupene e 20 ngā rangi mahi hei whakatau i tō amuamu. Mā te whakamārama, ā-tuhi, ki a koe ōna take takaroa, ka taea e te kamupene te neke atu i taua roanga ki te 40 rangi mahi.
Tuku amuamu ki te komihana
Ki te kore te amuamu e tau i roto i te 20-40 rangi mahi ka taea e koe te tuku amuamu ki te komihana.
Mō te wā, mō te mutunga rānei o aua rangi mahi e 20-40 kāore e tau tō hiahia mā te tuku whakamārama mai, te takoha rānei e te kamupene ka taea e koe te tuku amuamu ki te komihana.
Whakapā mai ki te komihana, ko tō hiahia mā te komihana tō amuamu e tirotiro. Whakamōhio mai koa mēnā he kaiwhakamāori kei te hiahiatia.
Tukuna mai (mā te mēra, waea whakaahua, īmēra rānei) ngā whakamārama katoa ki te komihana.
Ka tirohia e te komihana āu nā whakamārama, me ā te kamupene, ka kimihia e ia tētahi whakataunga tau tika.
Ki te kore te puehu e tau ki waenga i a koe me te kamupene, he herenga tonu ā te kamupene ki tā te komihana whakataunga.
Hei whakapā mai ki te komihana
Mēra utukore 192682
Komihana Amuamu Hiko me te Korohū
Pouaka Poutāpeta
Whanganui a Tara
Waea utukore 0800 22 33 40
Waea whakaahua utukore 0800 22 33 47
Īmēra info@egcomplaints.co.nz
Pae tukutuku www.egcomplaints.co.nz
|
